Letter by Petar Zrinski
to his wife Katarina
Written in Croatian language in 1671
Moje
drago serce. Nimaj se žalostiti zverhu ovoga moga pisma niti burkati.
Polag Božjega dokončanja sutra o desete ore budu mene glavu sekli, i tulikaj
še naukupe tvojemu Bratcu. Danas (s)mo mi jedan od drugoga serčeno prošćenje
vzeli. Zato jemljem ja sada po ovom listu i od tebe jedan vekovečni valete,
Tebe proseči ako sam te u čem zbantuval aliti se u čem zameril (koje ja
dobro znam) oprosti mi. Budi bog hvaljen, ja sam k smerti dobro pripravan
niti se plašim. Ja se ufam u Boga vsamogućega koji me je na ovom svitu
ponizil, da se tulikajše mene hoće miluvati, i ja ga budem molil i prosil
(komu sutra dojti ufam se) da se mi naukupa pred njegovem svetem thronušem
u dike vekovečne sastanemo. Veće ništar ne znam ti pisati, niti za sina
za druga do končanja našega siromaštva. Ja sam vse na Božju volju ostavil.
Ti se ništar ne žalosti ar je to tak moralo biti. U novom Mestu pred zadnjim
dnevom mojega zaživljenja, 29 dan aprila meseca o sedme ore podvečer,
leta 1671. Naj te Gospodin Bog s moju kćerju Auroru Veroniku blagoslovi.
Groff Zrini Petar