Vu plavem trnaci mi hiža stoji,
od zlenih vejah je videti ni.
Bogica je z dreva, ne vufa se reva
pokazat pred lud'mi, kak da se boji.
Vre slaba je stara prek stotinu let,
od njezine brajde posušil se cvet.
Od blata je zbita i škopom pokrita
ne moreš prav znati, jel' hiža il' klet?
Nju muški su žuli prinesili na svet
za onda, dok Zagoraec bil je još kmet.
Al' bila je bela i zmirom vesela,
a danas od tuge se hoće podret.

 

 

I vnogi se lajtić vu njoj je ispil,
Plebanuš, vučitel tu vinčeka pil!
Z gosponom pogaču i orehovnjaču
je mužek rad drobil i srećen je bil.
Pod malim obločekom fantić je stal.
Prelubleno dekle potiho je zval.
I vnogi je pušlec zamenil za kušlec,
a morti je fantić i prsten svoj dal.
V toj hiži se rodil je vnogi vojak
i vsaki je sledni bil pravi junak;
za tujca vojevali i krv je proleval,
za falu su rekli mu: da je bedak!

 

.

 

A hižica tiha ščekuje on čas,
kad jenkrat i Zagorcu došel bu spas!
No oko je tiha, al vetar zmir njiha
vu vejah šumećih starinsku jen glas:
Em Zagorcu samo je Zagorje raj,
nigdar ne bu zabi govoriti: kaj?
Dok krv je on proleval, on zmir je popeval:
Še enkrat bi rad videl zagorski kraj!
Pretrprl je muke črez jezero let,
al zopet bu brajda potirala cvet.
Iz našega gorja vre javla se zorja,
vesela i srećna bu hiža i klet!
    Gjuro Jurica Prejac

Harmonizaciju pjesme mozete naći na ovoj stranici.